Tragjedi në Alpet Italiane: Pesë turistë gjermanë humbin jetën nga një ortek.
Pesë alpinistë gjermanë humbën jetën tragjikisht pasi u zunë nga një ortek në Alpet Italiane. Alpinistët kishin nisur të shtunën ngjitjen drejt majës Cima Vertana, në vargmalin Ortler, pranë fshatit Solda.
Orteku i borës ra ndërsa ata po ngjiteshin drejt majës. Masa e madhe e borës dhe akullit rrëmbeu anëtarë nga dy grupe të ndryshme.
Trupat e dy burrave dhe një gruaje u gjetën të shtunën, ndërsa dy viktimat e tjera, një baba dhe vajza e tij 17-vjeçare, u gjetën sot.
Dy alpinistë të tjerë shpëtuan pa lëndime.
Mali Ortler, pjesë e Alpeve Italiane pranë kufirit zviceran, është një destinacion shumë i njohur për alpinistët dhe ecësit me përvojë.