VIDEO/ Portieri i Çelsit me komente thumbuese ndaj Lamine Yamal: Cucurella e kishte në xhep
Çelsi e turpëroi Barcelonën mbrëmë në “Stamford Bridge”, duke e mposhtur me rezultatin 3-0, ndërkohë që tre gola të tjerë iu anuluan. Pas përfundimit të sfidës, portieri i bluve, Robert Sánchez, i cili pati një mbrëmë relativisht të qetë, foli në zonën e përzier. Ai nisi me një sulm të ashpër ndaj Lamine Yamal.
“Cucurella e mbështolli rreth gishtit të vogël dhe e kishte në xhep. Të gjithë janë shumë të mirë derisa të vijnë në Premier Ligë. Barça favorite për të fituar Champions League? Ne jemi favoritë, jo ata”, deklaroi portieri londinez.