Presidenti i Ukrainës, Volodymyr Zelensky, ka zhvilluar një bisedë telefonike me Sekretarin e Përgjithshëm të NATO-s, Mark Rutte. Ai theksoi se ditë të rëndësishme po vijnë për Ukrainën.
Zelensky deklaroi: “Këto janë ditë të rëndësishme dhe shumë gjëra mund të ndryshojnë. Ne po i koordinojmë ngushtë aktivitetet tona dhe aktivitetet me të gjithë partnerët. Po bisedojmë për masat e përbashkëta, qëndrimet e përbashkëta, që kam besim se do të jenë jashtëzakonisht efektive.”
Ai gjithashtu njoftoi se ka zhvilluar një bisedë telefonike me Presidenten e Komisionit Evropian, Ursula von der Leyen, duke shtuar se e ka siguruar se mbështetja e BE nuk do të mungojë.