Trump për takimin SHBA-Rusi për Ukrainën: “Ishte mjaft mirë, Putini do të donte t’i jepte fund luftës”
Presidenti i SHBA-së, Donald Trump, tha të hënën se takimi i të dërguarve të tij, Steve Witkoff dhe Jared Kushner, me presidentin rus Vladimir Putin në Moskë ishte “mjaft i mirë”, por nuk dha detaje mbi hapat e ardhshëm në negociatat për t’i dhënë fund luftës në Ukrainë.
“Ai do të donte t’i jepte fund luftës,” tha Trump për Putinin, duke sqaruar se kjo ishte “përshtypja” që Witkoff dhe Kushner morën nga takimi i tyre me udhëheqësin rus.
“Nuk mund t’ju them se çfarë do të dalë nga ky takim, sepse duhen dy veta për të kërcyer tango,” u tha Trump gazetarëve, duke iu referuar me sa duket palës ukrainase.
Të dërguarit specialë amerikanë Steve Witkoff dhe Jared Kushner informuan Presidentin amerikan Donald Trump dhe zyrtarët ukrainas pas takimit të tyre “të plotë dhe produktiv” në Moskë të martën me presidentin rus Vladimir Putin, tha një zyrtar i Shtëpisë së Bardhë.
“Shtetet e Bashkuara dhe Rusia u angazhuan në një takim të plotë dhe produktiv. I dërguari special Witkoff dhe z. Kushner më pas informuan Presidentin Trump dhe ukrainasit,” tha burimi.