FOTO dhe VIDEO: Tradita e veçantë e klubit të La Liga-s, lodrat prej pelushi pushtojnë fushën e blertë
Real Betis e mbylli vitin 2025 me një fitore në La Liga. Pas triumfit 4-0 kundër Getafes, tifozët vendas mbuluan fushën e blertë me lodra prej pelushi. Këto lodra do t’u dhurohen fëmijëve në nevojë për Krishtlindje.
Tradita quhet “lluvia de peluches” ose “shiu i lodrave prej pelushi” dhe mbahet çdo vit në fundjavën e fundit para Krishtlindjeve nga klubi, duke filluar nga viti 2018. Është një nismë e veçantë dhe një moment emocionues për t’u parë.