Gjykata e Lezhës dënon tre persona për kultivim bimësh narkotike
Gjykata e Lezhës ka dhënë dënime totale prej 17 vitesh e 8 muajsh burgim për tre persona të dënuar për kultivim bimësh narkotike në zonën e Kashnjetit. Rastet kanë dalë në dritë në prill të vitit 2024, pas zbulimit të një prove. Mes të dënuarve është edhe Armando Ndreca, vëllai i ish-deputetit të PS-së, Eduart Ndreca.
Dispozitivi i Gjykatës:
- Trupi gjykues, i përbërë nga gjyqtari Lirim Bulica dhe gjyqtaret Irma Cacaj e Eglantina Biba, vendosi dënimet përfundimtare si më poshtë:
- Elvis Shpellzaj: 6 vjet e 8 muaj burgim.
- Armel Nikdukaj: 6 vjet e 8 muaj burgim.
- Armando Ndreca: 4 vjet e 4 muaj burgim.
Detajet e dënimeve individuale:
Elvis Shpellzaj:
- U shpall fajtor për veprën penale “Prodhimi dhe shitja e narkotikëve” (neni 283, paragrafi 2 i K.Penal), dënim fillestar prej 7 vitesh burgim.
- U shpall fajtor për veprën penale “Kultivimi i bimëve narkotike” (neni 284, paragrafi 2 i K.Penal), dënim fillestar prej 6 vitesh burgim.
- U shpall fajtor për veprën penale “Vjedhja e energjisë elektrike ose impulseve telefonike” (neni 137, paragrafi 2 i K.Penal), dënim fillestar prej 1 viti burgim.
- Në zbatim të nenit 55 të K.Penal (bashkimi i dënimeve), dënimi i vetëm për disa vepra penale ishte 10 vjet burgim.
- Në zbatim të nenit 406/1 të K.Pr.Penale (zbritja e 1/3 për shkak të pranimit të fajësisë ose procedurave të shkurtuara), dënimi përfundimtar u bë 6 vjet e 8 muaj burgim.
- Vuajtja e dënimit fillon nga data e arrestimit në flagrancë.
Armel Nikdukaj:
- U shpall fajtor për veprën penale “Prodhimi dhe shitja e narkotikëve” (neni 283, paragrafi 2 i K.Penal), dënim fillestar prej 7 vitesh burgim.
- U shpall fajtor për veprën penale “Kultivimi i bimëve narkotike” (neni 284, paragrafi 2 i K.Penal), dënim fillestar prej 6 vitesh burgim.
- U shpall fajtor për veprën penale “Vjedhja e energjisë elektrike ose impulseve telefonike” (neni 137, paragrafi 2 i K.Penal), dënim fillestar prej 1 viti burgim.
- Në zbatim të nenit 55 të K.Penal, dënimi i vetëm ishte 10 vjet burgim.
- Në zbatim të nenit 406/1 të K.Pr.Penale, dënimi përfundimtar u bë 6 vjet e 8 muaj burgim.
Armando Ndreca:
- U shpall fajtor për veprën penale “Kultivimi i bimëve narkotike” (neni 284, paragrafi 2 i K.Penal), dënim fillestar prej 6 vitesh burgim.
- U shpall fajtor për veprën penale “Vjedhja e energjisë elektrike ose impulseve telefonike” (neni 137, paragrafi 2 i K.Penal), dënim fillestar prej 1 viti burgim.
- U shpall i pafajshëm për veprën penale “Prodhimi dhe shitja e narkotikëve” (neni 283, paragrafi 2 i K.Penal).
- Në zbatim të nenit 55 të K.Penal, dënimi i vetëm ishte 6 vjet e 6 muaj burgim.
- Në zbatim të nenit 406/1 të K.Pr.Penale, dënimi përfundimtar u bë 4 vjet e 4 muaj burgim.
- Vuajtja e dënimit fillon nga data e caktimit të masës së sigurimit “arrest në burg”.
Sipas nenit 190 të Kodit të Procedurës Penale, lënda narkotike e sekuestruar do të asgjësohet.