Ndodh dhe kjo! Gara shpejtësie në autostradë, policia ndalon Babagjyshin e Vitit të Ri! Video virale
Një ndalesë e papritur nga policia në një autostradë në Shtetet e Bashkuara të Amerikës ka bërë bujë në mediat sociale, pasi shoferi i automjetit ishte… Babagjyshi.
Incidenti ndodhi kur oficerët e policisë ndaluan një makinë për shpejtësi të lartë. Pamjet, të regjistruara nga kamera e trupit të një oficeri, tregojnë reagimin e policëve të habitur teksa shohin shoferin e veshur si Babagjyshi, duke i dhënë një ngjyrim të papritur festiv një ndalimi rutinë trafiku.
Në video, oficerët komentojnë me humor “misionin” e shoferit dhe trajtojnë incidentin me buzëqeshje, duke bërë që pamjet të bëhen virale brenda pak orësh dhe të mbledhin mijëra shikime dhe komente në rrjetet sociale.