Një efektiv i karabinierisë plagos gabimisht pronarin e shtëpisë gjatë një ndërhyrjeje për vjedhje me thyerje
Një 38-vjeçar mbeti i plagosur në këmbë nga një plumb i qëlluar nga një oficer i karabinierisë, teksa ky i fundit po ndërhynte për një rast vjedhjeje me thyerje. Ngjarja u raportua pas një telefonate në numrin e emergjencës 112.
Incidenti ka ndodhur në Filetto, në provincën e Chieti-t, në një banesë të izoluar, jashtë zonës urbane, në pronësi të personit të plagosur. Menjëherë pas ngjarjes, 38-vjeçari u dërgua në spitalin kryesor të kryeqytetit të rajonit Abruzzo. Burime mjekësore konfirmuan se gjendja e tij është jashtë rrezikut për jetën.
Ndërkohë, Njësia Hetimore e Chietit ka nisur analizat teknike dhe mjeko-ligjore për të zbardhur plotësisht rrethanat e ndodhjes së ngjarjes. Hetimi po zhvillohet nën koordinimin e prokurorisë lokale.