Efektivi që ndoqi Ndocin, i njëjti që i dha telefonin Veliajt te furgoni i policisë
Fajton Baci është efektivi i burgjeve që ndoqi Altin Ndocin, teksa ky i fundit u arratis nga spitali i Durrësit sot. Efektivi Baci është i njëjti person që vitin e kaluar i dha telefonin e tij Veliajt, ndërsa ky i fundit transportohej nga paraburgimi i Durrësit drejt ambienteve të SPAK në Tiranë, brenda një furgoni policie.
Sipas hetimeve të deritanishme, rezulton se nuk janë respektuar protokollet e shoqërimit për sa i përket numrit të efektivëve të policisë së burgjeve që duhet të shoqërojnë personat e paraburgosur apo të dënuar gjatë vizitave të tyre mjekësore.