Titulli: Loja e ambasadorëve me Edi Ramën: Dekriptimi i mesazheve kundër tij
Në prag të vendimeve të rëndësishme për zv.kryeministren Belinda Balluku, si ai i Gjykatës Kushtetuese më 22 janar dhe i Këshillit të Mandateve në Kuvend më 28 janar, Ambasada Amerikane ka dërguar një tjetër mesazh të koduat kundër qeverisjes së Edi Ramës.
Duke cituar presidentin Trump, E Ngarkuara me Punë e SHBA-ve, Nancy Vanhorn, deklaroi se: “Siguria ekonomike është siguri kombëtare.” Ajo shtoi se ky parim është veçanërisht i rëndësishëm në fushën e sigurisë publike dhe të infrastrukturës kritike, ku teknologjia e zgjedhur nga vendet ndikon drejtpërdrejt në qëndrueshmërinë, sovranitetin dhe sigurinë e qytetarëve.
Edhe pse shprehur me terma diplomatikë, ky mesazh bëhet i qartë kur mbahet parasysh fakti se zv.kryeministrja Balluku është marrë e pandehur pikërisht për projekte të mëdha infrastrukturore në Shqipëri.
Ndërkohë, ambasadori holandez zhvilloi një vizitë në zyrën e kreut të SPAK, Klodian Brahos, duke përcjellë një mesazh më pak të fshehur. Duket se përplasja mes prokurorisë, të cilën e kanë mbështetur edhe forcat perëndimore, dhe qeverisjes së Ramës po afron pikën kulmore.
Amerikanët dhe mbështetësit e tyre perëndimorë duket se nuk duan të zhgënjejnë me SPAK-un. Çështja Balluku po afron.
Megjithatë, duke u nisur nga vendimi i fundit i Gjykatës Kushtetuese, e cila ka vendosur se celularët nuk janë më mjet prove që SPAK mund t’ua marrë të pandehurve sipas qejfit (pasi përmbajnë të dhëna konfidenciale), duket se fitorja do të jetë për ata që besojnë se Rama është figura më e fortë politike në vend dhe Shqipëria është territori i tij.
Kjo nuk duket të jetë një fitore për VanHornin. Loja me maska dhe mesazhet e koduara nuk po sjellin rezultate as për të, as për mbështetësit e saj ndërkombëtarë në Shqipëri.
Nëse dëshirojnë rezultate konkrete, është momenti që ambasadorët të heqin dorë nga komunikimi i koduat. Deklaratat duhet të bëhen të drejtpërdrejta, duke lënë debatin për ndërhyrjen e huaj në një vend sovran për një kohë tjetër.
Në rast të kundërt, Edi Rama jo vetëm që do të marrë mbështetjen e zv.kryeministres Balluku kundër ambasadoreve, por mund edhe t’i ftojë ata të përqafojnë njëri-tjetrin në zyrë, duke nënkuptuar një sfidë të hapur.