Përmbytje rekord në Francë, alarm në disa zona të vendit
Autoritetet franceze kanë lëshuar një alarm për “përmbytje të përhapur” në disa rajone, sipas të dhënave të shërbimit kombëtar të monitorimit të përmbytjeve, Vigicrues. Nivelet e lagështirës së tokës kanë arritur shifra rekord dhe kjo e ka bërë atë të pamundur që të thithë më tej ujërat shtesë.
Lumi Garonne ka dalë nga shtrati në disa zona të Francës jugperëndimore, pas disa ngjarjeve ekstreme të motit. Ndër këto, përfshihet edhe stuhia e fortë Nils, e cila ka prekur Francën dhe Spanjën të enjten.
Nivelet e përmbytjeve arritën kulmin gjatë fundjavës, të shtunën dhe të dielën, në departamentet Gironde dhe Lot-et-Garonne. Megjithatë, Vigicrues ka paralajmëruar se lumi mund të vazhdojë të dalë nga shtrati në orët e ardhshme dhe mund të ketë sërish rritje të nivelit gjatë kësaj jave për shkak të motit të ndryshueshëm.