Vatikani refuzon pjesëmarrjen në “Bordin e Paqes”, Shtëpia e Bardhë thekson se paqja nuk duhet të jetë partiake apo politike.
Shtëpia e Bardhë shprehu zhgënjimin e saj lidhur me vendimin e Vatikanit për të mos u bashkuar në “Bordin e Paqes” së bashku me shtetet e tjera.
Sekretarja e shtypit e Shtëpisë së Bardhë, Karoline Leavitt, deklaroi për gazetarët: “Nuk mendoj se paqja duhet të jetë partiake, politike apo kontraverse. Administrata dëshiron që të gjithë të ftuarit të bashkohen me Bordin e Paqes, pasi ky bord po mbikëqyr rindërtimin e një territori që ka vuajtur për një kohë të gjatë nga dhuna, gjakderdhja dhe varfëria.”
Bordi, i cili do të drejtohet për një kohë të pacaktuar nga Donald Trump, fillimisht u krijua për të mbikëqyrur rindërtimin e Gazës, por më pas objektivi i tij u zgjerua për t’u bërë një organ global paqeruajtës.
Papa Françesku ishte ftuar të bashkohej me bordi muajin e kaluar. Megjithatë, Kardinali Pietro Parolin, sekretari i Shtetit i Selisë së Shenjtë, njoftoi se ata nuk do ta pranojnë ftesën, duke shtuar se disa pika të planit i kanë lënë të hutuar dhe se çështje kritike duhet të zgjidhen.
Vatikani ka shprehur gjithashtu shqetësim se Bordi i Paqes i Trump mund të zëvendësojë punën që po bëhet aktualisht nga Kombet e Bashkuara.