Ndërron jetë në QSUT foshnja 2-muajshe nga Korça, dyshohet për kequshqyerje
Një foshnjë 2-muajshe ka ndërruar jetë në një spital në Tiranë, pasi u transportua me urgjencë për trajtim më të specializuar për shkak të gjendjes së rëndë shëndetësore.
Foshnja mbërriti në spital më 13 mars në gjendje kritike. Sipas informacioneve, ajo humbi jetën disa orë pas shtrimit në Qendrën Spitalore Universitare “Nënë Tereza” (QSUT), pavarësisht përpjekjeve të mjekëve për ta shpëtuar.
Grupi hetimor ka dërguar materialet në Prokurorinë e Korçës. Hetimet do të përcaktojnë nëse vdekja është shkaktuar nga kequshqyerja apo nga ndonjë problem tjetër shëndetësor që foshnja mund të ketë pasur që në lindje.