Bjellorusia liron 250 të burgosur; detaje të marrëveshjes me SHBA-në
Autoritetet bjelloruse kanë liruar sot 250 të burgosur, si pjesë e një marrëveshjeje të arritur me Shtetet e Bashkuara të Amerikës. Në këmbim, Uashingtoni ka lehtësuar sanksionet kundër sektorit financiar dhe të kaliumit të Bjellorusisë, sipas njoftimit të Ambasadës së SHBA-së në Lituani.
Ambasada e SHBA-së, e vendosur në Vilnius, specifikoi se 235 të burgosur u liruan brenda Bjellorusisë, ndërsa 15 persona u transferuan drejt Lituanisë. Krahas këtij veprimi, Uashingtoni ka rënë dakord për lehtësimin e sanksioneve ndaj sektorit financiar bjellorus, duke përfshirë bankën Belinvestbank, si dhe për heqjen e sanksioneve të mbetura të SHBA-së kundër disa kompanive.
Zyra e Presidentit të Bjellorusisë, Aleksandër Lukashenko, ka njoftuar se ka falur 250 persona të dënuar, duke theksuar se lirimet janë kryer kryesisht për arsye humanitare, raportojnë mediat e huaja.