Mançester Junajtid kërkon zëvendësuesin e Kasemiron në mesfushë
Merkatoja e transferimeve po përgatitet për një lëvizje të bujshme, pas ngulmit të Mançester Junajtid për mesfushorin francez Eduar Kamavinga.
Drejtuesit e “Djajve të Kuq” janë në kërkim të një elementi kyç për të transformuar mesfushën, duke marrë parasysh largimin e afërt të një lojtari me kontribut të rëndësishëm si Kasemiro në përfundim të kontratës së tij.
Ky operacion po zhvillohet në kuadër të një rinovimi strukturor në “Old Trafford”, ku planifikimi sportiv synon rikthimin e lavdisë së humbur në Premier Ligë.
Klubi anglez është i gatshëm të ofrojë mbi 50 milionë euro për të bindur drejtuesit e Real Madridit.
Megjithëse lojtari francez po kalon një periudhë të mirë te klubi spanjoll, drejtuesit anglezë besojnë se premtimi për një rol protagonist mund ta ndryshojë perspektivën e tij aktuale.
Qëllimi është i qartë: të ndërtohet një projekt fitues dhe i ri, ku Kamavinga të jetë boshti kryesor i identitetit të ri të skuadrës angleze.
Pavarsisht ofertave joshëse nga Anglia, vetë francezi ka theksuar vazhdimisht se veshja e fanelës së ‘Los Blancos’ ishte ëndrra e tij e madhe që në fëmijëri. Kjo përbën një pengesë serioze për çdo klub që kërkon ta transferojë në këtë moment.
Megjithatë, trajneri Majkëll Kerrik, me njohuritë e tij të thella për rolin e mesfushorit, e sheh yllin francez si profilin ideal për të mbushur boshllëkun e lënë nga Kasemiro.