Tatimet: Ju vëzhgojmë, deklaroni të ardhurat nga Booking
Administrata Tatimore njofton se disponon të dhëna mbi rezervimet dhe shitjet e realizuara përmes platformës Booking.com.
Autoritetet tatimore u bëjnë thirrje individëve që kanë siguruar të ardhura nga dhënia e akomodimit përmes kësaj platforme t’i deklarojnë ato në Deklaratën Vjetore të të Ardhurave Personale – DIVA 2025.
Ndërkohë, bizneset duhet të verifikojnë nëse deklarimet e tyre janë në përputhje me të dhënat e Booking, për të shmangur rrezikun e rivlerësimeve tatimore.
Tatimet kujtojnë se mosdeklarimi i të ardhurave përbën shkelje të legjislacionit tatimor dhe sjell penalitete sipas parashikimeve ligjore.