Bordi i Transparencës vendos për çmimin e naftës
Bordi i Transparencës, në mbledhjen e tij të datës 26 Mars 2026, ka marrë vendimin për rregullimin e çmimeve të nënprodukteve të naftës. Vendimi, i cili hyn në fuqi menjëherë, synon të mbrojë interesat e konsumatorëve shqiptarë dhe të ruajë konkurrencën e ndershme në treg.
Konkretisht, Bordi ka përcaktuar këto çmime:
- Gazoil (standard SSH EN 590):
- Çmimi me pakicë: jo më shumë se 203 lekë/litër.
- Çmimi me shumicë: jo më shumë se 191 lekë/litër.
- Benzinë (standard SSH EN):
- Çmimi me pakicë: jo më shumë se 175 lekë/litër.
- Çmimi me shumicë: jo më shumë se 163 lekë/litër.
Këto çmime do të jenë në fuqi nga data 26 Mars, ora 18:30, deri në mbledhjen e ardhshme të bordit, ku do të shqyrtohen mundësitë e ndryshimeve të mëtejshme.
Tërhiqet vëmendja e të gjithë operatorëve të shitjes me shumicë dhe pakicë të nënprodukteve të naftës mbi detyrimin për zbatim të këtij vendimi. Shkeljet e konstatuara do të sjellin si pasojë pezullimin e aktivitetit.
Ministria e Ekonomisë dhe Inovacionit, së bashku me Ministrinë e Financave dhe Ministrinë e Infrastrukturës dhe Energjisë, janë të angazhuara për mbrojtjen e konsumatorëve dhe ruajtjen e parimeve të konkurrencës së ndershme në tregun shqiptar.