Përshkallëzimi në Lindjen e Mesme/ “Rritet frika për përfshirje në konflikt”, BBC: Grupi Houthi lëshon raketa drejt Izraelit!
Grupi Houthi i Jemenit ka lëshuar një raketë drejt Izraelit. Më herët, Izraeli njoftoi se kishte kapur një raketë të lëshuar nga ky grup. Sipas CNN, kjo është raketa e dytë e lëshuar kundër Izraelit. Ndërkohë, gazeta The Times of Israel raporton se një dron, që mendohet të jetë nisur gjithashtu nga Jemeni, është kapur mbi qytetin jugor izraelit të Eilatit në orët e fundit.
Houthit, të mbështetur nga Irani, kanë nisur një breshëri raketash kundër Izraelit, raporton BBC. Përfshirja e tyre në konflikt ngre frikën për përçarje të mëtejshme në ekonominë botërore, pasi grupi i armatosur ka kapacitet për të sulmuar anijet në Detin e Kuq.
Houthit e konsiderojnë veten pjesë të të ashtuquajturit “bosht rezistence”, i cili përfshin edhe grupe të tjera të financuara nga Irani, si Hezbollahu në Liban dhe Hamasi në Rripin e Gazës.