OBSH ngre alarmin: Nëntë punonjës të ndihmës mjekësore të vrarë në Liban! Të ndalen sulmet
Drejtori i Përgjithshëm i Organizatës Botërore të Shëndetësisë (OBSH), Tedros Adhanom Ghebreyesus, ka bërë thirrje për ndalimin e sulmeve ndaj personelit mjekësor.
Gjatë ditës së sotme u raportua se nëntë punonjës të ndihmës mjekësore humbën jetën në Liban. Tedros Adhanom Ghebreyesus deklaroi se ata vdiqën në pesë sulme të ndodhura në zona të ndryshme, duke e çuar në 51 numrin e punonjësve të shëndetësisë të vrarë këtë muaj. Gjithashtu, shtatë punonjës të tjerë mjekësorë raportohet të jenë plagosur.
Në një reagim në rrjetet sociale, ai u shpreh:
“Më shumë tragjedi në Libanin jugor sot… Marsi ka qenë muaji i dytë më vdekjeprurës për punonjësit e shëndetësisë në Liban që kur OBSH filloi të monitorojë sulmet ndaj kujdesit shëndetësor në vend në tetor 2023. Më shumë se 120 punonjës shëndetësorë raportohet se janë plagosur.”