E diela e fundit e marsit, hyri sot në fuqi ora verore
Në orët e para të mëngjesit të së dielës, 29 mars, ora verore hyri në fuqi në Shqipëri dhe në shumë vende të Evropës. Në orën 02:00, akrepat e orës u zhvendosën një orë përpara, duke kaluar drejt në 03:00, çka shënon fillimin e orarit veror.
Ky ndryshim sjell ditë më të gjata dhe më shumë dritë natyrale në orët e mbrëmjes. Ky efekt shihet si pozitiv për aktivitetet e përditshme dhe për reduktimin e konsumit të energjisë elektrike.
Megjithatë, ekspertët këshillojnë kujdes në ditët e para, pasi ndryshimi i menjëhershëm i orarit mund të shkaktojë lodhje, përgjumje apo çrregullime të lehta të gjumit, derisa organizmi të përshtatet.
Ora verore do të mbetet në fuqi deri në fund të tetorit, kur akrepat e orës do të kthehen sërish një orë pas, duke rikthyer orën dimërore.