Shtëpia e Bardhë ka mohuar mundësinë e përdorimit të armëve bërthamore kundër Iranit.
Pas interpretimit të disa komenteve të bëra nga J.D. Vance në Hungari, Shtëpia e Bardhë ka sqaruar se nuk po konsideron përdorimin e armëve bërthamore ndaj Iranit.
Zëvendëspresidenti Vance ishte deklaruar: “Jam i bindur se do të marrim një përgjigje, pozitive ose negative, deri në orën 20:00 të mbrëmjes së sotme lidhur me ultimatumin ndaj Teheranit”. Ai gjithashtu kishte shtuar: “Kemi mjete që ende nuk i kemi vendosur të përdoren, dhe presidenti mund dhe do të vendosë t’i përdorë nëse Irani nuk ndryshon sjelljen e tij.”
Disa nga këto deklarata janë interpretuar nga disa si sugjerim për përdorimin e armëve bërthamore. Megjithatë, Shtëpia e Bardhë i ka cilësuar këto interpretime si të pasakta. Përmes llogarisë së tyre në platformën RapidResponse 47, ata theksuan: “Fjalë për fjalë asgjë nga ato që tha zv.presidenti nuk nënkupton armë bërthamore, ju klounë.”