Akuza për sulm seksual, Ashraf Hakimi do të përballet me gjyqin: “Ndihem viktimë e famës”
Gjykata e Apelit e Versajës ka miratuar padinë ndaj futbollistit Ashraf Hakimi për akuzat e sulmit seksual, duke i hapur rrugë çështjes penale në Hauts-de-Seine. Ky vendim vjen në një moment kur lojtari po përgatitet me Marokun për Kupën e Botës 2026.
Kjo situatë delikate e ka shtyrë futbollistin të bëjë një deklaratë publike në rrjetet sociale, duke injoruar këshillat e avokatit të tij për të ruajtur konfidencialitetin. Në platformën X, Hakimi shprehu zemërimin e tij me anë të një postimi të gjatë: “Drejtësia më shikoi në sy dhe më tha: ‘Nëse nuk do të ishe i famshëm, kurrë nuk do të kishte pasur një çështje gjyqësore.'”
Në deklaratën e tij, mbrojtësi theksoi se për muaj të tërë kishte zgjedhur heshtjen dhe diskrecionin, duke pritur përfundimin e hetimit. “Mendova se të ruaja dinjitetin, durimin dhe besimin te sistemi i drejtësisë do të sillte vendimet e duhura,” shkroi ai.
Hakimi shtoi më tej se ndihet i mbingarkuar nga ngjarjet aktuale: “Një histori që nuk është e imja po tregohet në dëm të familjes sime, të jetës sime dhe mbi të gjitha, të së vërtetës. Ndonjëherë ndihem si një shënjestër e lehtë.”
Lojtari ripërsëriti se pret me padurim gjyqin: “E kam pritur këtë gjyq që nga dita e parë. Tani e pres edhe më me padurim. Më në fund do të kem mundësinë të flas.”