Kanë kaluar më shumë se tre vjet që kur Robert Levandovski u transferua nga Bajerni te Barcelona. Pavarësisht tarifës fillestare prej 45 milionë eurosh, kampionët gjermanë nuk kanë marrë ende pothuajse gjysmën e shumës. Sipas një raporti të fundit financiar të Barcelonës, klubi katalanas i detyrohet Bajernit 20 milionë euro nga marrëveshja për Levandovskin.
Ky problem me pagesat nuk është i kufizuar vetëm te Bajerni. Raporti sugjeron se Barcelona ka borxhe të konsiderueshme edhe ndaj klubeve të tjera, si Lids Junajtid (41.9 milionë euro për Rafinjan) dhe Sevija (24.5 milionë euro për Zhyl Kunden). Në total, borxhet e Barcelonës nga transferimet arrijnë në 159.1 milionë euro.
Ndërkohë, pohohet se Robert Levandovski shpreh zhgënjim te Barcelona për shkak të mungesës së vazhdimësisë në formacionin titullar nga trajneri Hansi Flik. Kjo situatë mund të çojë drejt një largimi të mundshëm të tij verën e ardhshme.