Mbi 5.111 vdekje të lidhura me nxehtësinë që nga 1 qershori
Më shumë se 5.000 vdekje të lidhura me nxehtësinë janë regjistruar në Spanjë midis 1 qershorit dhe 31 gushtit, duke shënuar një rekord për këtë periudhë që kur Instituti Shëndetësor “Carlos III” filloi të mbledhë këto të dhëna në vitin 2015.
Ky institut publik, me seli në Madrid, ia atribuoi nxehtësisë 2.149 vdekje në gusht, 2.025 në korrik dhe 937 në qershor, duke arritur në total 5.111 vdekje gjatë këtyre tre muajve.
Rekordi i mëparshëm për këtë periudhë tremujore u vendos në vitin 2022, me 4.652 vdekje të lidhura me nxehtësinë. Për krahasim, gjatë së njëjtës periudhë, 3.651 vdekje iu atribuuan të njëjtit shkak në vitin 2025 dhe 1.977 në vitin 2024.
Këto vlerësime bazohen në një sistem të quajtur “MoMo” (Monitorimi i vdekshmërisë), i cili mbledh të dhëna ditore mbi numrin e vdekjeve në Spanjë dhe llogarit ndryshimin midis vdekshmërisë aktuale dhe asaj të parashikuar bazuar në të dhënat historike.
Ashtu si pjesa më e madhe e Evropës, Spanja po përjeton një verë veçanërisht të nxehtë këtë vit, me disa valë të njëpasnjëshme të nxehtësisë.