Mbrojtësi holandez i Interit, Denzel Dumfris, ka komentuar sfidën e ardhshme ndaj Romës. Ai theksoi rëndësinë e fitores pas pauzës së kombëtareve, duke deklaruar: “Do të jetë një ndeshje e vështirë, por ne duhet të fitojmë.” Dumfris kërkoi një reagim nga skuadra, veçanërisht pas ndeshjes me Kremonesen.
Ai pranoi se irritimi i tij gjatë zëvendësimit tregon vetëm dëshirën e tij për të kontribuar më shumë. “Çdo lojtar do të jetë në fushë për të ndihmuar skuadrën”, u shpreh ai.
Lidhur me formacionin taktik, holandezi tha se ndihet rehat si me formacionin me katër mbrojtës ashtu edhe me pesë, por shprehu një preferencë për të qenë më pranë zonës kundërshtare për të ofruar mbështetje në fazën sulmuese.
Mesazhi i tij përfundimtar ishte i qartë: “Interi është për të fituar gjithmonë. Ne nuk mendojmë për vendin e dytë, synojmë vetëm fitoren.”