Presidenti amerikan Donald Trump ka paralajmëruar vendosjen e tarifave deri në 100% mbi mallrat kineze. Si përgjigje, Kina ka deklaruar se është e gatshme të përballet deri në fund në një luftë tregtare me Shtetet e Bashkuara.
Ky kërcënim vjen si reagim ndaj vendimit të fundit të Pekinit për të kufizuar eksportet e metaleve të rralla, të cilat janë komponentë strategjikë për teknologjinë moderne dhe sektorin e mbrojtjes.
Një zëdhënës i Ministrisë kineze të Tregtisë deklaroi se qëndrimi i Kinës në lidhje me tarifat dhe luftërat tregtare mbetet i qëndrueshëm. Ai shtoi: “Nëse doni të luftoni, ne do të luftojmë deri në fund; nëse doni të negocioni, dera jonë mbetet e hapur.”