Lideri i opozitës, Sali Berisha, gjatë një mbledhjeje të grupit parlamentar të PD, ka akuzuar kreun e SPAK, Arben Dumanin, duke e cilësuar si një “armik të egër të pluralizmit politik” dhe duke e krahasuar me Aranit Çelën.
Berisha e akuzoi Dumanin për mospërgjegjësi dhe mosveprim lidhur me rrethimin dhe dhunën ndaj aktivistëve, duke kërkuar përgjegjësi për zyrtarët që, sipas tij, “flenë mbi dosjet e krimit”. Ai nënvizoi se opozita ka të drejtë të protestojë, por nuk është për protesta dhe se ka bërë konferenca shtypi vetëm për të thënë të vërtetat shqiptarëve.
Deputeti i opozitës shtroi pyetjen se si mund të justifikohet mospërgjegjësia në trajtimin e dosjeve si “339” dhe “184”, të cilat i cilësoi si “dosje botërore” dhe se “krimi më i shëmtuar” është mbyllja e tyre pa veprim.
Ai i drejtoi një akuzë të fortë duke thënë se njerëzit që merren me “bandat, kartele” nuk kanë vjedhur aq sa kanë vjedhur “këta me kollare”, duke iu referuar një miliardë eurove që sipas tij janë zhdukur pa u gjetur asnjë përgjegjës.
Berisha përmendi konkretisht Arben Ahmetajn, duke e cilësuar si “i pavarur” dhe duke e konsideruar Dumanin si “bastard” dhe “Aranit Çelë në llojin tënd”. Ai shtroi pyetjen nëse janë arrestuar apo bërë veprime ndaj 35 zyrtarëve, duke përmendur arrestimin e Erion Veliajt për llogari të Edi Ramës.
Ai e konsideroi SPAK-un si të “penguar” nga partia në pushtet, duke theksuar se raportet ndërkombëtare flasin për përdorimin e resurseve shtetërore në kundërshtim me ligjin për votat.
Berisha mohoi ta kishte cilësuar Dumanin si kryetar të një organizate kriminale, nëse nuk do të kishte dokumente që faktojnë se Taulant Balla ka porositur vrasje dhe janë eliminuar dokumentet, si dhe ka arrestuar bandën kundërshtare, gjithçka për të marrë vota dhe jo për të bërë rend.
Ai përmendi prokurorin Vath Staka, të cilin e cilësoi si “hajdut” që ka fshehur pasurinë dhe i cili ia ka kaluar Taulant Ballës vetingun, duke përmendur kërkesën e Suelit drejtuar Taulantit për të liruar dy “vrasës terroristë”.
Berisha tha se “5-6 vetë” në SPAK janë të lidhur me krimin, përfshirë edhe Dumanin, i cili “fle mbi dosjet”. Ai përmendi ish-agjenten e BKH, Eriona Daupaj, e cila dëshmon se prokurorë kërkojnë shuma të mëdha parash dhe Taulant Balla merr makina nga policia për t’i nxjerrë jashtë afatit.
Në fund, Berisha e cilësoi Dumanin si “variantin më të shëmtuar” dhe se vendi i tij është aty ku “ata që flenë mbi dosjet e krimit”, duke e ftuar atë të vrapojë për të ndryshuar Kushtetutën.