Gjermania do të ofrojë mbështetje shtesë financiare prej më shumë se 2 miliardë dollarësh për Ukrainën. Ky njoftim u bë nga Ministri gjerman i Mbrojtjes, Boris Pistorius, gjatë takimit të Grupit të Kontaktit për Mbrojtjen e Ukrainës (formati “Rammstein”).
Mbështetja e re përfshin një paketë me vlerë 500 milionë dollarësh, e cila synon të plotësojë nevojat urgjente të Ukrainës, siç janë sistemet e mbrojtjes ajrore, përfshirë sistemet Patriot, radarë, si dhe raketa artilerie dhe municione me precizion të lartë.
Gjermania do të vazhdojë të forcojë mbrojtjen ajrore të Ukrainës duke furnizuar dy sisteme të tjera të mbrojtjes ajrore IRIS-T, si dhe raketa mbrojtëse ajrore të lëvizshme.
Përveç kësaj, do të furnizohen armë antitank, pajisje komunikimi dhe sisteme të lëvizshme të mbrojtjes ajrore. Gjermania gjithashtu do të nisë një projekt për modernizimin dhe zgjatjen e jetëgjatësisë së sistemeve të armëve të dërguara më parë.
Një memorandum mirëkuptimi do të nënshkruhet për të zgjeruar bashkëpunimin me industrinë e mbrojtjes ukrainase.