Orbán takon Putinin për samitin Trump-Putin në Budapest

Pas bisedës me Presidentin e SHBA-së, Donald Trump, kryeministri hungarez Viktor Orbán, sot do të diskutojë me Presidentin rus Vladimir Putin takimin mes dy udhëheqësve, të planifikuar të mbahet në Budapest, me qëllim dhënien fund të konfliktit në Ukrainë.

Orbán e bëri të ditur këtë gjatë një interviste për Kossuth Radio. Ai shpjegoi se pas bisedës produktive të Trump me presidentin rus dje, ministrat e jashtëm po punojnë për të zgjidhur çështjet e mbetura në mënyrë që takimi të mund të zhvillohet në Budapest një javë më vonë.

Kryeministri hungarez gjithashtu përsëriti se po finalizohet takimi zyrtar mes Hungarisë dhe Shteteve të Bashkuara në Uashington.