Video e arrestimit të Aldo Avdylit publikohet nga Berisha

Në një publikim të fundit, Sali Berisha ka shpërndarë një video ku shihet arrestimi i Aldo Avdylit, i cili dyshohet të jetë një vrasës me pagesë.

Personi në video, Aldo Avdyli, akuzohet për krime të rënda dhe mendohet se ka qenë i përfshirë në ekzekutime të shumta të viteve të fundit, të kryera sipas urdhrave të grupit Avdylaj.

Në pamjet e publikuara nga kreu i Partisë Demokratike, Avdyli dëgjohet duke i folur personit që filmon. Berisha identifikon këtë të fundit si të lidhur me grupin e “Pojës”, një tjetër organizatë kriminale nga Durrësi, për të cilën opozita pretendon se ka lidhje të forta me qeverinë.