VIDEO/ Trump pret në Shtëpinë e Bardhë Andrea Bocellin, tenori italian ‘performon’ brenda Zyrës Ovale
Tenori i njohur italian Andrea Bocelli zhvilloi një vizitë në Shtëpinë e Bardhë, ku u prit nga Presidenti Donald Trump.
Asistentja e Trump, Margo Martin, ndau një video të momentit në platformën X.
Gjatë vizitës, tenori italian dha një performancë të improvizuar në Zyrën Ovale. Presidenti Trump u vendos pas zyrës së tij presidenciale, ndërsa Bocelli, i veshur me kostum të zi dhe syze dielli, performoi para tij.
“Dëgjoni këtë,” tha Trump, teksa filloi të luhej kënga “Time to Say Goodbye” në Zyrën Ovale. Bocelli nisi të këndonte së bashku me muzikën, duke u ndalur për një moment për të qeshur.
Një video tjetër, gjithashtu e postuar nga Martin, tregon Trumpin dhe Bocellin duke biseduar pranë tavolinës presidenciale dhe duke dëgjuar një incizim të një prej këngëve të Bocellit.
Sipas Deadline, Trump u tha gazetarëve se Bocelli do të performonte në Shtëpinë e Bardhë më 5 dhjetor, dy ditë para ceremonisë së nderimit në Qendrën Kennedy.