Dyshohet se i përkasin personave të zhdukur, zbulohen mbetje mortore në Kosovë
Policia e Kosovës njoftoi se njësitë e saj, në koordinim me Institutin e Mjekësisë Ligjore dhe Komisionin Qeveritar për Persona të Zhdukur, kryenë gërmime në varrezat e fshatit Hajvali të Prishtinës më 20 tetor. Gjatë këtyre gërmimeve u gjetën mbetje eshtërore njerëzore, të cilat dyshohet se u përkasin të paktën tre personave të zhdukur gjatë luftës në Kosovë në vitet 1998-1999.
Policia ka bërë të ditur se urdhri për gërmimet është dhënë nga Gjykata Themelore në Prishtinë. Sipas institucionit, mbetjet mortore janë dërguar në Institutin e Mjekësisë Ligjore për ekzaminime dhe se punimet do të vazhdojnë edhe në ditët në vijim.
Gjatë luftës së viteve 1998/99 në Kosovë u vranë rreth 13.000 njerëz, ndërsa më shumë se 1.500 vazhdojnë të jenë të zhdukur. Shumica e viktimave ishin civilë shqiptarë.
Kosova dhe Serbia arritën një marrëveshje në vitin 2023 për Deklaratën e përbashkët për personat e zhdukur, si pjesë e dialogut për normalizimin e marrëdhënieve të ndërmjetësuar nga Bashkimi Evropian. Mes zotimeve të bëra përfshiheshin:
- Qasja e plotë në informacione të besueshme, duke përfshirë edhe ato me status të klasifikuar.
- Vënia në dispozicion e të gjitha dokumenteve me rëndësi për përcaktimin e fatit të personave të zhdukur.
- Bashkëpunim përmes një komisioni të kryesuar nga Bashkimi Evropian.
Megjithatë, sipas artikullit, situata vazhdon të mbetet vetëm në letër, pasi asnjë nga pikat e marrëveshjes nuk është zbatuar deri më tani.