Trump jep ultimatum për Hamasin: 48 orë për lirimin e pengjeve
Donald Trump i ka bërë thirrje Hamasit që të lirojë menjëherë pengjet brenda 48 orëve të ardhshme, duke paralajmëruar se përndryshe vendet e tjera të përfshira në marrëveshjen e paqes në Lindjen e Mesme do të ndërmarrin veprime.
Presidenti amerikan, në një postim, theksoi rëndësinë e ruajtjes së paqes në Lindjen e Mesme dhe shprehu bindjen se ajo mund të jetë e qëndrueshme. Megjithatë, ai theksoi se për të ruajtur këtë paqe, Hamasi duhet të dorëzojë pengjet, përfshirë dy shtetas amerikanë.
Ai sugjeroi se vonesa në lirimin e pengjeve mund të jetë e lidhur me procesin e çarmatimit të anëtarëve të Hamasit, duke vënë në dukje se marrëveshja kërkon pajtueshmëri të plotë nga të dyja palët.
“Hamasi duhet të fillojë t’i kthejë pengjet shpejt”, theksoi ai, duke shtuar se disa prej tyre janë të vështira për t’u rikuperuar.
Trump tha se, megjithëse ka pengje që mund të kthehen menjëherë, për ndonjë arsye kjo nuk po ndodh. “Le të shohim se çfarë do të bëjnë në 48 orët e ardhshme”, përfundoi presidenti amerikan, duke theksuar se po e monitoronte situatën shumë nga afër.