Aeroporti i Vilniusit rihapet pas mbylljes së përkohshme për shkak të zbulimit të ‘balonave të dyshimta’.
Operacionet kanë rifilluar në Aeroportin Ndërkombëtar të Vilniusit, kryeqyteti i Lituanisë, i cili u mbyll pasditen e sotme pasi radari zbuloi “balona të dyshimta” në zonë. Ky incident i ngjashëm me ato të regjistruara në muajt e fundit, ka shkaktuar ndërprerjen e aktiviteteve.
Aeroporti, i cili ndodhet rreth 30 kilometra larg kufirit me Bjellorusinë, u mbyll në orën 19:36 dhe u rihap në orën 21:06, sipas informacioneve të dhëna nga menaxhmenti i aeroportit.
Që nga fillimi i tetorit, aeroporti i kryeqytetit lituanez është mbyllur përkohësisht të paktën 10 herë për shkak të incidenteve të ngjashme.