Aksidentohet autobusi me pelegrinë pranë Athinës, 12 të plagosur
Një autobus me 30 pelegrinë doli nga rruga dhe u përmbys të shtunën pasdite në Rrugën e Vjetër Kombëtare, pranë Rizomylos të Volosit. Aksidenti ndodhi rreth një kilometër para qendrës së argëtimit “Megaro”, ndërsa autobusi po udhëtonte nga Larisa drejt një manastiri në Kanalia, Magnezi.
Si pasojë e aksidentit, 12 persona pësuan plagë të lehta dhe u dërguan menjëherë në spitalin e Volosit për trajtim.
Në vendngjarje mbërritën shpejt forcat e policisë, tre automjete zjarrfikësish dhe katër ambulanca. Disa shoferë kalimtarë ndaluan gjithashtu për të ofruar ndihmë pasagjerëve.
Shkaqet që çuan në përmbysjen e autobusit janë ende të paqarta. Autoritetet po kryejnë hetime për të sqaruar rrethanat e aksidentit.
Pasagjerët që ndodheshin në autobus ishin ata që njoftuan policinë duke telefonuar në numrin emergjent 112.