Trafik i rënduar nga “Tuneli i Krrabës” drejt Librazhdit, aksident me dy të plagosur
Një aksident është regjistruar në zonën e Labinot-Fushë, në aksin që të çon nga “Tuneli i Krrabës” drejt Librazhdit. Në përplasje janë përfshirë dy automjete.
Dy persona kanë mbetur të plagosur lehtë dhe janë transportuar për ndihmë mjekësore. Gjendja e tyre shëndetësore nuk paraqet rrezik për jetën.
Pas aksidentit, qarkullimi në këtë segment të rrugës është rënduar ndjeshëm. Janë krijuar radhë të gjata automjetesh dhe vonesa për drejtuesit e mjeteve.
Ky aks është një nga arteriet kryesore që lidh kryeqytetin me Juglindjen e vendit dhe gjatë fundjavave zakonisht përballet me trafik të dendur.
Policia ndodhet në terren me forca të shtuara. Po punohet për normalizimin e qarkullimit dhe për zbardhjen e shkaqeve të aksidentit.