Të paktën 18 persona u plagosën si pasojë e përplasjes së dy trenave në Sllovakinë perëndimore.
Dy trenave u përplasën të dielën në mbrëmje në Sllovakinë perëndimore, duke shkaktuar të paktën 18 të plagosur, raportoi Agjencia e Lajmeve e Republikës Sllovake (TASR).
Përplasja ndodhi mes qytetit Pezinok në rajonin e Bratislavës dhe kryeqytetit, Bratislavë.
Transportuesi shtetëror i pasagjerëve ZSSK njoftoi se po bashkëpunon me operatorin e infrastrukturës hekurudhore ZSR, policinë dhe shërbimet e emergjencës për menaxhimin e situatës.
Të plagosurit janë dërguar në katër spitale nën varësinë e Spitalit Universitar të Bratislavës (UNB), sipas TASR.
Shërbimet hekurudhore në zonë janë ndërprerë dhe pritet një rikthim gradual në funksionim të plotë, tha ZSSK.
Shkaku i aksidentit mbetet nën hetim.