Çfarë po ndodh në Vlorë: Aksion “blic” në zonën e Skelës, kontrolle në automjete luksoze
Forcat e rendit kanë zhvilluar një aksion të befasishëm në zonën e Skelës mbrëmjen e sotme. Ky veprim synon rritjen e sigurisë publike, pas ngjarjes së rëndë ku humbi jetën një 17-vjeçar, i cili u përplas nga një automjet tip “Porsche”.
Policia ka ngritur disa pika kontrolli në hyrje dhe dalje të zonës. Automjetet luksoze dhe ato me xhama të zinj janë ndaluar për verifikim. Mediat raportojnë se kontrollet fokusohen tek personat me precedentë penalë, ata në kërkim, si dhe tek qytetarët që mund të mbajnë armë të ftohta apo armë zjarri pa leje.
Aksioni pritet të vijojë edhe në zonat e tjera të qytetit, si pjesë e një operacioni më të gjerë për parandalimin e ngjarjeve kriminale dhe forcimin e rendit publik në Vlorë.