Asnjë votë kundër, Vetëvendosje nominoi Albin Kurtin si kandidat për kryeministër
Zyrtarisht, Lëvizja Vetëvendosje ka shpallur Albin Kurtin si kandidat për kryeministër për zgjedhjet e parakohshme parlamentare të 28 dhjetorit. Ai u votua në mbledhjen e 61-të të partisë.
Nënkryetari i kësaj partie, Glauk Konjufca, deklaroi se e nominoi Kurtin duke e vlerësuar si udhëheqësin demokratik të vendit. “Unë do ta nominoj më të votuarin nga populli ynë në historinë e demokracisë sonë parlamentare. Më meritorin në udhëheqjen e Lëvizjes Vetëvendosje, liderin e vërtetë të transformimit social dhe demokratik, kryeministrin më të suksesshëm të Republikës sonë, Albin Kurtin,” tha Konjufca.