Holandezët kryesojnë listën e vendeve të BE-së për njohjen e gjuhës angleze, zbuloni kush i ndjek
Gjuha angleze vazhdon të jetë gjuha kryesore ndërkombëtare e komunikimit, dhe evropianët janë ndër folësit më të aftë, sipas një studimi të fundit.
Raporti më i fundit, EF English Proficiency Index 2025, vendos holandezët në krye të listës botërore për mësimin e anglishtes si gjuhë e huaj për të shtatën vit radhazi. Megjithëse niveli i tyre i përgjithshëm ra me 12 pikë krahasuar me vitin 2024, Holanda ruan vendin e parë.
Në tre vendet e para të renditjes përfshihen gjithashtu Kroacia dhe Austria, të cilat kanë treguar përmirësim në rezultatet e tyre.
Studimi klasifikon 12 vende të Bashkimit Europian në kategorinë e njohurive ‘shumë të larta’. Kjo kategori përfshin aftësinë për të përdorur shprehje të sakta dhe të përshtatshme në situata shoqërore, të lexojnë tekste komplekse dhe të negociojnë kontrata me folësit amtare.
Këto vende janë:
- Holanda
- Kroacia
- Austria
- Gjermania
- Norvegjia
- Portugalia
- Danimarka
- Suedia
- Belgjika
- Sllovakia
- Rumania
- Finlanda
Nga ana tjetër, Italia, Qiproja dhe Franca, së bashku me Lituaninë dhe Spanjën, renditen në vendet më të ulëta, në kategorinë e ‘njohurive të mesme’. Folësit në këtë kategori janë në gjendje të marrin pjesë në takime profesionale dhe të shkruajnë emaile pune, por aftësitë e tyre mbeten të kufizuara në situata më komplekse.