I gjenden disa armë në shtëpi, arrestohet 63-vjeçari në Tiranë
Finalizohet operacioni policor i koduar “Kllojka”, i cili kishte për qëllim goditjen e veprimtarisë kriminale të armëmbajtjes pa leje.
Shërbimet e Komisariatit të Policisë Nr. 1, në vijim të punës për parandalimin dhe goditjen e rasteve të armëmbajtjes pa leje, organizuan dhe finalizuan operacionin policor të koduar “Kllojka”. Gjatë këtij operacioni, u arrestua shtetasi M. Ç., 63 vjeç, banues në fshatin Kllojkë, Bërzhitë.
Në vijim të operacionit, gjatë kontrollit të ushtruar në banesën e 63-vjeçarit, Policia gjeti dhe sekuestroi, në cilësinë e provës materiale, si më poshtë:
- 2 armë zjarri (një automatik dhe një pushkë)
- 3 armë gjahu
- 2 armë të ftohta
- Municion luftarak
Materialet procedurale iu referuan Prokurorisë së Tiranës, për veprime të mëtejshme.