Në Iran, 20 persona janë arrestuar për ndarjen e informacioneve ushtarake me Izraelin.
Autoritetet iraniane bënë të ditur arrestimin e 20 personave në qytetin Urmi. Ata akuzohen për dërgimin e të dhënave rreth lokacioneve ushtarake, policore dhe të sigurisë drejt Izraelit.
Agjencia e Lajmeve Tasnim, e cila raporton ngushtë me Trupat e Gardës së Revolucionit Islamik, njoftoi se janë goditur disa rrjete personash, të cilët dyshohet se kanë lidhje me agjentë izraelitë.
Arrestimet janë kryer bazuar në një urdhër gjyqësor, sipas deklaratës së prokurorit qendror të provincës Azerbajxhani Perëndimor.
Autoritetet nuk kanë ofruar detaje shtesë lidhur me identitetin e personave të arrestuar apo hetimet që po zhvillohen. Megjithatë, ky njoftim vjen në një periudhë ku tensionet mes Iranit dhe Izraelit vazhdojnë të jenë të larta.