Dyshohet bashkëpunim me inteligjencën ukrainase, dhjetë të arrestuar në Rusi
Afro dhjetë persona, përfshirë shtetas rusë dhe të huaj, janë arrestuar në kuadër të një çështjeje penale për pjesëmarrje në një organizatë terroriste, e cila dyshohet se ka bashkëpunuar me Shërbimin e Sigurisë së Ukrainës (SBU). Këtë e ka bërë të ditur për agjencinë ruse të lajmeve RIA Novosti një burim pranë hetimit.
“Afro dhjetë shtetas rusë dhe të huaj janë arrestuar nën akuzën e pjesëmarrjes në një organizatë terroriste, duke bashkëpunuar me SBU-në. Çështja përfshin edhe disa individë të paidentifikuar”, ka deklaruar burimi për agjencinë.
Një nga të dyshuarit kryesorë, sipas burimit, është një shtetas i huaj, i cili, sipas hetuesve, ka lidhje me SBU-në. Të arrestuarit aktualisht po mbahen në qendrat e paraburgimit në kryeqytet, përfshirë Lefortovën.