Katër persona, përfshirë dy shtetas kinezë, janë arrestuar në Francë nën dyshimin e spiunazhit për Kinën.
Zyra e prokurorit të Parisit ka njoftuar se departamenti i krimit kibernetik ka hapur një hetim gjyqësor lidhur me këtë çështje.
Sipas njoftimit, dy shtetasit kinezë dyshohet se kanë hyrë në territorin francez me qëllimin e mbledhjes së të dhënave satelitore nga rrjeti “Starlink”, si dhe të dhënave nga subjekte të rëndësishme, veçanërisht ato ushtarake. Qëllimi i tyre ka qenë transmetimi i këtyre të dhënave drejt vendit të tyre të origjinës, Kinës.