Rrëmbyen çiftin italian, arrestohen pas dy vitesh dy shqiptarë në Itali
Dy shtetas shqiptarë janë arrestuar në Itali, dy vite pasi kishin rrëmbyer një çift italian dhe u kishin grabitur një shumë prej 64 mijë eurosh. Sipas mediave italiane, ata kishin kërcënuar me armë çiftin italian për t’u marrë paratë dhe bizhuteritë e arit, me një vlerë të përafërt prej 64 mijë eurosh.
Dy të arrestuarit aktualisht ndodhen në paraburgim dhe pritet të dalin para drejtësisë.
“Kjo masë paraprake është kulmi i një përpjekjeje komplekse hetimore, të koordinuar nga Prokuroria dhe të kryer nga Departamenti i Karabinierëve nga nëntori 2023 deri në qershor 2025. Kjo përpjekje, duke përfshirë hetimet teknike dhe mbledhjen e deklaratave të viktimave, ka lejuar identifikimin e personave përgjegjës për një rrëmbim me qëllim grabitjeje, të kryer më 28 nëntor 2023, në Macerata, Campania, brenda shtëpisë së një çifti italian,” thanë autoritetet italiane.