Barcelona dhe Atletico Madridi përballen sonte në Champions League, në një duel që zhvillohet në “Camp Nou” duke filluar nga ora 21:00.
Trajneri i Barcelonës, Hansi Flik, nuk pritet të bëjë ndryshime të mëdha në formacionin titullar krahasuar me ndeshjen e fundit kundër Atletico Madridit. Lajmi i mirë për ekipin katalanas është se Robert Lewandowski dhe Jules Koundé do të jenë gati të startojnë nga minuta e parë.
Nga ana tjetër, Diego Simeone përballet me mungesa të rëndësishme te Atletico Madridi. Portieri kryesor, Jan Oblak, nuk do të jetë në dispozicion për këtë përballje. Po ashtu, nuk do të jenë as Rodrigo De Paul dhe Ángel Correa, të cilët janë dëmtuar prej kohësh.
Koke dhe Marcos Llorente paraqiten si alternativat kryesore për të zëvendësuar mungesat, ndërsa në stol mund të jenë Ángel Correa dhe Reinildo Mandava si opsione për pjesën e dytë të ndeshjes.
Një avantazh për Simeonen është se ai mund të provojë çdo strategji, pasi Atletico Madridi nuk po lufton më për titullin e La Ligas, ndryshe nga Barcelona, e cila vazhdon garën për dy trofe.