Berisha: Motra e Ballukut u regjistrua vetëm dje në QKB, por jo si avokate
Kryetari i Partisë Demokratike, Sali Berisha, ka bërë një tjetër denoncim që lidhet me Belinda Ballukun. Sipas tij, Pamela Qirko, motra e Belinda Ballukut, e cila sot ishte në cilësinë e avokates së saj, është regjistruar vetëm dje në Qendrën Kombëtare të Biznesit (QKB) si person fizik, pa asnjë lloj aktiviteti.
Berisha citon një pyetje nga një qytetar dixhital:
- “Përshëndetje doktor. Kush mund të më sqarojë se çfarë veprimtarie ushtron subjekti Pamela Qirko, pasi Qendra Kombëtare e Biznesit e evidenton si subjekt tregtar pa objekt veprimtarie? Nëse do të ushtronte shërbime juridike, përfshirë edhe avokatinë, pse nuk pasqyrohet nga Qendra Kombëtare e Biznesit? A mund të ushtrojë aktivitet një avokat i paregjistruar në Qendrën Kombëtare të Biznesit dhe të deklarohet si i tillë para organeve të drejtësisë?”
Ai shtoi:
“Pamela është regjistruar vetëm sot kur nuk u arrit anullimi i akuzës ndaj Lubisë. Pamela nga Altin Troplini thirret me nderim ‘Shefe’! Kjo sepse Pamela, ‘Shefja’, ka bërë vetingun e tij me 4 shtëpi banimi, 3 të regjistruara në emër të tij, kurse në të katërtën banon me qira tek vjehrri. Ndaj dhe Altin Troplini e mbajti 3 muaj dosjen e Lubisë, motrës së ‘Shefes’?!” – shkruan Berisha.