Emri i tij përmendet 43 herë: Kush është shqiptari Berisha në dosjen ‘Epstein’?
Emri i një shqiptari është përmendur në dosjen famëkeqe të financuesit amerikan, Jeffrey Epstein, i cili u dënua për trafikim të qenieve njerëzore, përdhunime dhe marrëdhënie me të mitur.
Shqiptari me inicialet V. Berisha, i njohur edhe si “Vinny Berisha”, rezulton të jetë banor në SHBA, dhe më saktësisht në qytetin e Nju Jork-ut.
Sipas dokumenteve që qarkullojnë në media, emri i shqiptarit figuron në të paktën 43 materiale të publikuara. Berisha përfshihet në letra dhe email-e të ndryshme që janë shkëmbyer mes tij dhe personave të afërt me Jeffrey Epstein, të cilët dyshohet se kishin si qëllim organizimin e një takimi në Manhattan.