Numri i të vdekurve në përleshjet midis policisë dhe kriminelëve në Brazil shkon në 64.
Numri i viktimave nga një operacion policor në shkallë të gjerë, i zhvilluar më 28 tetor në lagjet e varfra Alemao dhe Peña në Rio de Janeiro, Brazil, ka arritur në 64.
Sipas qeverisë së Rio de Janeiros, ky operacion cilësohet si më i madhi në historinë e shtetit.
Mes të vdekurve janë 60 persona të cilët mendohet të kenë qenë anëtarë të grupeve kriminale dhe katër forca të sigurisë, përfshirë dy oficerë nga batalioni i operacioneve speciale të policisë.
Operacioni, i emërtuar “Tërheqje”, përfshiu rreth 2,500 policë ushtarakë dhe civilë.
Qëllimi i operacionit ishte ekzekutimi i 100 urdhër-arresteve për anëtarët e grupit kriminal “Comando Vermelho”.
Gjatë aksionit u arrestuan 81 persona, u sekuestruan 10 pushkë, një pistoletë dhe nëntë motoçikleta.