Britania nuk lejon përdorimin e bazës në Qipro nga amerikanët për veprime kundër Iranit
Kryeministri britanik, Keir Starmer, i ka dhënë garanci aleatëve të tij në Qipro se Forcat Ajrore RAF Akrotiri nuk do të përfshihen në marrëveshjen mes Mbretërisë së Bashkuar dhe Uashingtonit, e cila i lejon Shteteve të Bashkuara të përdorin bazat për “vetëmbrojtje kolektive”.
Sipas raportimeve të Sky News, kryeministri britanik zhvilloi një bisedë me Presidentin e Qipros, pas sulmit me raketa balistike të Iranit ndaj bazës së përbashkët Britani-SHBA Diego Garcia.
Në një deklaratë, një zëdhënës i Downing Street u shpreh:
- “Kryeministri foli këtë mëngjes me Presidentin e Republikës së Qipros, Nikos Christodoulides.”
- “Kryeministri theksoi se, si partnerë dhe miq të ngushtë, siguria e Qipros është me rëndësi të madhe për Mbretërinë e Bashkuar.”
- “Kryeministri përsëriti se RAF Akrotiri nuk do të përfshihet në vazhdimin e marrëveshjes mes Mbretërisë së Bashkuar dhe SHBA-së për përdorimin e bazave të Mbretërisë së Bashkuar për vetëmbrojtje kolektive të rajonit, duke përfshirë edhe degradimin e aftësive raketore iraniane.”